Bananakaka með söltuðu karamellukremi og pekanhnetum

Skref1

• Stillið ofninn í 180 gráðu hita.
• Setjið smjörpappír í botninn á tveimur 20 cm hringlaga kökuformum.
• Blandið hveiti, kókós, lyftidufti, matarsóda og salti saman í skál og hrærið saman.
• Hrærið smjör og sykur saman þar til blandan verður ljós og létt.
• Bætið eggjum saman við einu í senn og hrærið á milli.
• Stappið bananana og setjið saman við ásamt kaffi, mjólk og vanilludropum.
• Því næst blandið þið hveitiblöndunni rólega saman við og hrærið þar til allt hefur náð að blandast vel saman og blandan er orðin slétt og fín.
• Skiptið deiginu jafnt á milli formanna tveggja og bakið í um 25-30 mínútur eða þar til prjónn kemur hreinn upp úr miðju kökunnar.
• Kælið botnana alveg áður en þið setjið kremið á.

Skref2

• Hrærið smjörið þar til það er orðið ljóst og létt.
• Blandið flórsykri rólega saman við og hrærið vel á milli.
• Setjið karamellusósuna saman við ásamt saltinu og vanilludropum.
• Hrærið þar til kremið er orðið slétt og fínt.

Skref3

• Setjið kremið á milli botnana og utan um alla kökuna.
• Saxið pekanhnetur og setjið ofan á toppinn á kökunni og raðið saltstöngum misháum í kringum kökuna.
• Ef þið viljið aðeins meiri karamellu þá er gott að setja smá karamellusíróp og salt ofan á toppinn.
• Geymið kökuna í kæli þar til hún er borin fram.
• Gott er þó að taka hana út um 20 mín áður en hún er borin fram.

Höfundur: Thelma Þorbergsdóttir