Beikonrúllur með eplum og Óðals Cheddar

Skref1

• Skerið skorpuna af brauðinu og rúllið yfir hverja sneið með kökukefli þannig að brauðið verði þynnra.
• Skerið svo hverja brauðsneið í tvennt.

Skref2

• Flysjið eplið og skerið í þunna báta.
• Skerið hverja beikonsneið í tvennt.
• Skerið cheddar ost með ostaskera og leggið eina sneið á hvern brauðsneiðar helming, leggið því næst eplabita ofan á og rúllið upp.
• Vefjið að lokum beikoni utan um og leggið á bökunarplötu (rúllurnar má líka gera fyrir fram og geyma í ísskáp þar til bakaðar).
• Bakið rúllurnar við 200 gráður í um það bil 10 mínútur eða þar til osturinn er bráðnaður og beikonið orðið stökkt.

Höfundur: Helena Gunnarsdóttir