Bernaise sósa
Sósan geymist vel undir plastfilmu við stofuhita í 2-3 klst.
Borin fram stofuheit eða hituð rólega upp yfir vatnsbaði.
Innihald
1 skammtur
| 5 stk. | eggjarauður |
| 500 g | smjör |
| 1 stk. | nautateningur eða annar kjötkraftur |
| 2 msk. | bernaise essence |
| 1 msk. | þurrkað estragon eða 2 msk ferskt |
| salt og pipar | |
| safi úr hálfri sítrónu |
Skref1
- Bræðið smjörið með kjötkraftinum.
- Takið af hitanum og leyfið aðeins að rjúka.
Skref2
- Setjið eggjarauðurnar í hitaþolna skál, stál eða gler.
- Setjið vatn í pott, hleypið upp suðunni og lækkið svo alveg undir.
- Leggið skálina ofan á pottinn, gætið þess að botninn snerti ekki vatnið og þeytið eggjarauðurnar þar til ljósar og léttar, t.d. með litlum rafmagnshandþeytara.
Skref3
- Takið pottinn með skálinni af hitanum.
- Hellið smjörinu mjög rólega saman við eggin í mjórri bunu og þeytið stanslaust á meðan, þetta tekur um 5-7 mínútur.
Skref4
- Kryddið svo með estragoni og bernaise essence.
- Smakkið til með sítrónu, salti og pipar.
Höfundur: Helena Gunnarsdóttir