Blómkálssúpa

Skref1

• Hitið ofninn í 200°C.
• Skerið blómkálið niður í munnstóra bita og raðið þeim í ofnskúffu.
• Setjið vel af ólífuolíu yfir og kryddið með salti, pipar og hvítlauksdufti eftir smekk og bakið í ofninum í 20 mínútur á meðan þið undirbúið annað.

Skref2

• Saxið lauk, blaðlauk og gulrót niður og steikið við meðalhita upp úr vel af smjöri, kryddið eftir smekk.
• Þegar blandan fer að mýkjast má rífa hvítlaukinn yfir og steikja stutta stund áfram.
• Hellið því næst vatninu yfir og setjið teningana saman við, náið upp suðunni og lækkið hitann síðan alveg niður og leyfið þessu að malla í um 15 mínútur.
• Bætið ¾ af blómkálsbitunum í pottinn þegar þeir eru búnir að vera í ofninum í 20 mínútur, geymið restina til að skreyta með.

Skref3

• Maukið síðan allt grænmetið í pottinum með töfrasprota, náið upp hitanum að nýju, bætið rjómanum saman við og smakkið til með kryddum.
• Berið fram í skálum með ofnbökuðu blómkáli og brauðteningum á toppnum.

Höfundur: Berglind Hreiðarsdóttir