Bökuð ostaflétta

Skref1

• Afþíðið smjördeigsplöturnar.
• Raðið tveimur saman hlið við hlið langsum og næstu tveimur í beinni línu þar fyrir ofan og klemmið saman samskeytin.

Skref2

• Sjóðið saman púðursykur, síróp og pipar í um 5 mínútur, saxið pekanhneturnar gróft á meðan og hellið þeim síðan saman við og hjúpið vel.
• Takið af hellunni og hrærið áfram þar til þær hafa drukkið sykurbráðina í sig og sykurhjúpurinn fer að storkna, geymið.

Skref3

• Smyrjið miðjuna á smjördeiginu með fíkjusultu og skerið um 2 cm breiðar ræmur skáhallt niður sitthvoru megin við miðjuna (til að vefja yfir góðgætið í lokin).
• Skerið ostana niður í litla bita og hrúgið yfir sultuna ásamt pekanhnetunum (geymið smá af hnetum til skrauts).
• Pískið eggið og vefjið smjördeigsræmunum yfir miðjuna og penslið í framhaldinu (þá festast þær betur saman).

Skref4

• Bakið í 200° heitum ofni í 20 mínútur eða þar til smjördeigið er orðið vel gyllt.
• Skerið ferskar fíkjur niður og raðið ofan á ostafléttuna ásamt restinni af pekanhnetunum.
• Það má síðan að sjálfsögðu leika sér með fyllingar. Það gæti til dæmis líka verið gott að setja pestó og hráskinku með ostinum eða annað gúmelaði.

Höfundur: Berglind Hreiðarsdóttir