Bollur með eplamauki og rjómaostaglassúr

Skref1

• Setjið mjólkina saman við brætt smjörið.
• Passið að vökvinn sé ekki of heitur.
• Blandið geri, sykri, salti og kardimommukryddi saman við. Hrærið.
• Setjið hveitið saman við smátt og smátt.
• Þið þurfið kannski ekki allt magnið sem upp er gefið.
• Betra að deigið sé í blautari kantinum þegar það fer í hefingu.
• Látið deigið hefast í skálinni undir plastfilmu í 45 mínútur.

Skref2

• Hrærið saman eplabitum, sykri og kanil.

Skref3

• Hnoðið deigið niður og búið til langa pylsu.
• Skiptið henni niður í 24 jafna bita og mótið bollur.
• Setjið þær á bökunarplötu klædda bökunarpappír.

Skref4

• Klippið kross í bollurnar og ýtið gatinu í sundur með puttunum.
• Setjið 1 góða tsk. af eplamaukinu ofan í gatið.
• Látið bollurnar hefast í 20-30 mínútur.
• Penslið kantana með pískuðu eggi og bakið í 10-12 mínútur við 230°.

Skref5

• Hrærið öllu saman sem á að fara í glassúrið og setjið á bollurnar þegar þær hafa kólnað.

Höfundur: Erna Sverrisdóttir