Bruschetta snittur með þeyttum rjómaosti og bökuðum tómötum
Þetta er sumar á diski. Það er dásamlega gott að grilla brauðið á útigrilli og baka tómatana í fati á grillinu líka. Svo er þetta bara spurning um að raða saman þessari fallegu bruschettu og bragðlaukarnir dansa. Rjómaosturinn verður einstaklega ljúffengur og léttur í sér þegar hann er þeyttur og smellpassar með bökuðum tómötum og dropa af hunangi. Þið verðið að prófa.
Smáréttur fyrir 4-6
Innihald
4 skammtar
Bakaðir tómatar
kirsuberjatómatar
hvítlauksrif
•
ólífuolía
•
salt og pipar
•
ferskt timían
Þeyttur rjómaostur
hreinn rjómaostur frá MS
•
fínt rifinn börkur af hálfri sítrónu
rjómi frá Gott í matinn
•
salt og pipar
Baguette
baguette brauð
•
hunang
| kirsuberjatómatar | |
| hvítlauksrif | |
| • | ólífuolía |
| • | salt og pipar |
| • | ferskt timían |
| hreinn rjómaostur frá MS | |
| • | fínt rifinn börkur af hálfri sítrónu |
| rjómi frá Gott í matinn | |
| • | salt og pipar |
| baguette brauð | |
| • | hunang |
Skref1
- Byrjið á að baka tómatana. Mér finnst gott að setja þá á grillið í stálfati en það má líka baka þá í ofni.
- Skerið tómatana í tvennt, setjið í fat ásamt heilum hvítlauksrifjum, hellið vel af ólífuolíu yfir þá, kryddið með timían, salti og pipar.
- Bakið í 45-60 mínútur við 150 gráður eða þar til vel mjúkir og krumpaðir.
- Takið úr ofninum og stappið hvítlauksrifin saman við safann sem er í botninum.
Skref2
- Gerið þeytta rjómaostinn.
- Setjið öll hráefnin saman í skál og þeytið með handþeytara þar til létt og vel blandað saman.
Skref3
- Skerið brauðið í sneiðar, penslið með smá ólífuolíu og grillið eða brúnið létt á pönnu.
- Setjið snitturnar saman, smyrjið þunnu lagi af rjómaosti á hverja sneið og toppið með bökuðum tómötum, fersku timíani og setjið að lokum smá hunangsdropa yfir og sjávarsalt.
Smá tvist
- Það má líka smyrja þeytta rjómaostinum í fat eða skál og toppa svo með bökuðu tómötunum, bara passa að leyfa þeim að ná stofuhita fyrst.
- Bera svo fram með grilluðu snittubrauði – ítölsk eðla eins og hún gerist best!
Höfundur: Helena Gunnarsdóttir