Dúnmjúk djöflaterta með englakremi

Djöflaterta

• Ofninn er hitaður 170 gráður blástur og bökunarpappír settur í botninn á kökuforminu
• Í hrærivélaskál fer hveiti, sykur, kakó, matarsódi, lyftiduft og salt.
• Þurrefnunum er blandað saman og síðan er rest bætt út í og hrært saman þar til allt hefur blandast vel, en degið er frekar þunnt.
• Deigið er næst sett í smurt formið og bakað í um 40 mínútur eða þar til það er hægt að stinga í kökuna og það festist ekkert deig á gafflinum.
• Þá er kakan tekin út og hún kæld á borði amk. 10 mínútur áður en hún er tekin úr forminu.

Englakrem

• Í pott fer sykur, vatn, síróp og vanilludropar og hitað þar til suðan kemur upp. Þá er potturinn tekinn af hellunni og hrært þar til sykurinn hefur alveg leyst upp.
• Á meðan eru eggjahvíturnar stífþeyttar í hrærivélinni.
• Þegar sykurvatnið er tilbúið þá er því hellt í mjórri bunu út í eggjahvíturnar og þeytt aðeins lengur.
• Þegar kakan hefur kólnað þá er kreminu smurt á alla kanta kökunnar. Kremið er mjög flöffí, því meira krem því betra þannig ekki vera hrædd við að það líti út fyrir að vera of mikið krem.

Höfundur: Gígja S. Guðjónsdóttir