Frönsk súkkulaðikaka

Skref1

• Smjör og súkkulaði brætt í skál yfir vantsbaði.
• Hrært stöðugt í þar til allt er bráðið.

Skref2

• Skálin er tekin af hitanum og sykrinum er blandað saman við ásamt eggjarauðunum og vanilludropum.

Skref3

• Eggjahvíturnar eru þeyttar ásamt salti og síðan blandað varlega saman við súkkulaðiblönduna.

Skref4

• Hveitinu er síðan blandað saman við að lokum.

Skref5

• Deigið er sett í smurt mót. Mjög gott að nota smelluform, smyrja það og setja bökunarpappír í botninn.
• Kakan er bökuð við 180°C hita (yfir og undirhita) í um 30 mínútur (fer eftir ofninum).
• Kakan er tekin út úr ofninum og hvolft á plötu þakta bökunarpappír eða þann kökudisk sem á að nota og henni leyft að kólna.

Skref6

• Súkkulaði og rjómi eru hitað þar til allt hefur samlagast, hrært vel í og síðan hellt yfir kökuna.
• Kakan er skreytt með tölustöfum sem gerðir eru úr marsípani, einnig hægt að nota sykurmassa. Tölustafirnir eru gerðir með sérstökum tölustafamótum.
• Kemur mjög vel út að bera kökuna fram með þeyttum rjóma og jarðarberjum.

Höfundur: Hjördís Dögg Grímarsdóttir