Fylltar marengs rósir

Marengsrósir

• Þeytið eggjahvíturnar og púðursykurinn þangað til blandan er orðin stíf og þétt.
• Bætið svo saman við lyftidufti og hrærið vel.
• Setjið matarlit að eigin vali saman við marengsinn og hrærið þangað til matarliturinn hefur blandast vel saman við.
• Setjið smjörpappír á bökunarplötu.
• Setjið marengsinn í sprautupoka með sprautustút nr. 1M (eins og myndin sýnir hér að ofan) og sprautið fallegar rósir á bökunarplötu, rósirnar eru á stærð við litla undirskál.
• Bakið við 150°C í um 30 mín. eða þar til marengsinn hefur bakast alveg og er þurr í viðkomu. Kælið marengsinn alveg.

Súkkulaðikrem

• Þeytið eggjarauðurnar þangað til þær eru orðnar aðeins ljósar.
• Bætið svo flórsykrinum saman við og hrærið þangað til blandan er orðin ljós og létt.
• Bræðið súkkulaðið saman við smjörið í potti yfir lágum hita og blandið því vel saman við blönduna.
• Bætið því næst vanilludropum saman við og hrærið vel.
• Setjið um 2-3 msk. af súkkulaðinu á hverja köku fyrir sig, eða eins mikið og þú villt!
• Einnig er hægt að setja það ofan á kökurnar.

Fylling

• Þeytið rjómann þangað til hann stendur alveg og setjið ofan á botninn.
• Setjið slatta af Nóakroppi ofan á rjómann, skerið hverja kókosbollu í tvennt og setjið ofan á, bætið smá rjóma ofan á hverja kókosbollu og setjið svo marengsrós ofan á og þrýstið lauslega saman.
• Geymið í kæli þar til borið er fram.

Höfundur: Thelma Þorbergsdóttir