Gratíneraður fiskréttur með hrísgrjónum og piparosti

Skref1

• Hitið ofninn í 180°C.
• Smyrjið eldfast mót (um 30x40 cm) með smjöri og dreifið úr hrísgrjónunum.

Skref2

• Skolið, þerrið og skerið þorskinn í bita og raðið yfir hrísgrjónin, kryddið með salti og pipar.

Skref3

• Skerið brokkólí, blómkál og blaðlauk niður, steikið upp úr vel af ólífuolíu og kryddið eftir smekk.
• Steikið þar til grænmetið fer aðeins að mýkjast og dreifið þá úr því yfir fiskinn í fatinu.

Skref4

• Hellið um helming rjómans á pönnuna og rífið niður piparostinn.
• Hrærið þar til osturinn er bráðinn og smakkið til með karrí, steinselju og öðrum kryddum.
• Þegar osturinn er bráðinn má setja restina af rjómanum út á pönnuna og leyfa aðeins að malla.

Skref5

• Hellið sósunni þá yfir fiskinn, setjið vel af rifnum pizzaosti yfir allt saman og bakið í um 30 mínútur.

Höfundur: Berglind Hreiðarsdóttir