Hakkbollur í hvítvíns rjómasósu

Skref1

• Bollurnar eru einfaldar í gerð.
• Byrjið á að saxa sellerí og rauðlauk smátt og steikja í smjöri og smá olíu á pönnu, láta svo kólna smá áður en þessu er blandað saman við hakkið ásamt hinum hráefnunum og myndið litlar bollur.
• Brúnið bollur í pönnunni á öllum hliðum.
• Bætið rifnum ræmum af ostrusveppum á pönnuna og hristið vel í pönnunni. Setjið svo spínatið á pönnuna.

Skref2

• Sósan er mjög einföld en það er mikilvægt að þegar vínið er búið að minnka um helming í potti er fínt að taka pottinn af hellunni í nokkrar mínutur áður en rjóma og sinnep er bætt við til að koma í veg fyrir að rjóminn skilji sig. Sósan má malla á vægum hita þar til hún þykkist eilítið.
• Hellið sósu yfir allt gúmmulaðið.
• Skellið pönnu inn í 180°C ofn í 10 mínutur eða þar til bollurnar eru eldaðar í gegn.
• Stráið rifnum Parmigiano Reggianno osti yfir bollurnar og setjið aftur inn í ofn í 2-3 mínutur til viðbótar eða þar til allt er gullið og gómsætt.

Höfundur: Eirný Sigurðardóttir