Hátíðar marengsterta með sérrírjóma og súkkulaði

Marengsbotnar

• Hitið ofn í 120 gráður með blæstri og setjið smjörpappír í botninn á tveimur u.þ.b 23 cm kökuformum.
• Þeytið eggjahvítur, sykur, púðursykur, vanillu og lyftiduft þar til blandan verður mjög stíf, ég þeyti á hæstu stillingu á hrærivél í 5-7 mínútur.
• Hellið kornflexi út í og hrærið því varlega saman við með sleikju.
• Skiptið blöndunni jafnt í formin tvö og sléttið úr.
• Bakið í 60 mínútur. Slökkvið þá á ofninum og opnið á hann smá rifu og leyfið marengsbotnunum að kólna í ofninum.
• Gott að gera kvöldinu áður og leyfa botnunum að vera í ofni yfir nótt.

Fylling

• Saxaið súkkulaðið smátt.
• Hellið rjóma í skál ásamt sérríi og flórsykri.
• Þeytið þar til rjóminn er nánast stífþeyttur.
• Smakkið rjómann og bætið við sérrí eftir smekk.
• Bætið súkkulaðinu loks saman við með sleikju.
• Leggið annan marengsbotninn á disk, breiðið úr rjómanum yfir og leggið hinn botninn ofan á.
• Gott er að setja rjómann á marengsbotnana 2-4 klst. áður en hann er borinn fram og geyma í ísskáp.

Toppur

• Bræðið saman á mjög vægum hita, súkkulaði, rjóma og sérrí.
• Leyfið að kólna aðeins og smyrjið loks ofan á tertuna.
• Toppið að lokum með nóg af jarðarberjum.

Höfundur: Helena Gunnarsdóttir