Innihald
1 skammtur
| 1 stk. | sæt kartafla, lítil eða hálf stór |
| 1 stk. | rauðrófa |
| 10 stk. | rósakáls hausar, 10-15 stk. |
| 100 g | möndlur með hýði |
| 1 msk. | íslenskt smjör |
| 1 msk. | hunang |
| 1 tsk. | rósmarín |
| blandað grænt salat eftir smekk | |
| 2 stk. | mandarínur |
| 20 stk. | vínber |
| 2 stk. | vorlaukar |
| 150 g | Dala salatostur |
Skref1
- Skerið sætu kartöfluna, rauðrófu og rósakál í jafn stóra bita.
- Veltið upp úr olíu, salti og pipar og bakið í ofni í 30-40 mínútur eða þar til bakað í gegn.
- Takið úr ofninum og leyfið aðeins að kólna.
Skref2
- Bræðið smjörið á pönnu og steikið möndlurnar, setjið hunang og rósmarín út á og látið krauma saman við vægan hita í 10 – 15 mínútur.
- Hellið á bökunarpappír, látið kólna og saxið svo gróft.
Skref3
- Leggið salatið á stórt fat.
- Setjið bakað grænmetið þar ofan á.
- Skerið vínber og mandarínubáta í litla bita og dreifið yfir ásamt veisluostinum.
- Toppið með söxuðum möndlum og smátt skornum vorlauk og berið fram strax.
Höfundur: Helena Gunnarsdóttir