Heitur brauðréttur með ljúffengum ostum

Skref1

• Skerið skorpuna af 10 brauðsneiðum og geymið.

Skref2

• Rífið pepperónóostinn niður með rifjárni og setjið í pott ásamt paprikusmurosti og 250 ml af matreiðslurjóma.
• Hitið þar til ostarnir hafa samlagast rjómanum og bætið þá restinni af matreiðslurjómanum saman við og hrærið vel.
• Leggið til hliðar.

Skref3

• Skerið sveppina niður og steikið upp úr smjöri, kryddið til með salti og pipar, geymið.

Skref4

• Skerið aspasinn í munnstóra bita, steikið upp úr smjöri og kryddið til með salti og pipar, geymið.

Skref5

• Skerið skinkuna niður í bita og leggið til hliðar.

Samsetning

• Smyrjið eldfast mót vel með smjöri og raðið brauði yfir allan botninn.
• Stráið sveppnum yfir brauðið og um 1/3 af sósunni.
• Setjið þá næsta lag af brauði og skinkuna ofan á það ásamt 1/3 af sósunni.
• Þá kemur síðasta lagið af brauði, aspas, restin af sósunni og vel af rifnum osti yfir allt saman.
• Hitið við 180° í um 25-30 mínútur eða þar til osturinn verður gylltur.

Höfundur: Berglind Hreiðarsdóttir