Heitur brauðréttur með ostum

Skref1

• Setjið mjólk í pott undir meðalháum hita.
• Skerið ostana niður í minni bita og blandið þeim saman við mjólkina ásamt skinkumyrjunni.
• Hrærið saman og látið ostana bráðna alveg.

Skref2

• Skerið pepperóní í litla bita ásamt skinkunni og blandið saman við ostablönduna þegar hún hefur náð að bráðna alveg.

Skref3

• Skerið skorpuna af franskbrauðinu og skerið brauðið niður í litla teninga.
• Skerið paprikurnar smátt niður.

Skref4

• Setjið helminginn af brauðinu í eldfast form ásamt helmingnum af rauðu og grænu paprikunni.
• Hellið ostablöndunni yfir brauðið.
• Setjið því næst restina af brauðinu yfir ostablönduna ásamt paprikunni og setjið rifinn ost yfir.

Skref5

• Setjið inn í ofn við 200 gráðu hita og bakið þar til osturinn hefur náð að bráðna og rétturinn orðinn vel heitur.
• Njótið.

Höfundur: Thelma Þorbergsdóttir