Horn með hvítu súkkulaðikremi og hindberjum

Deig

• Mælið um helminginn af hveitinu og setjið það í skál ásamt þurrgeri, salti, og vanillusykri.
• Hitið mjólkina í um 37 °C (má alveg vera aðeins heitari) og setjið hana til hliðar.
• Þeytið eggin létt saman með gaffli og blandið þeim saman við mjólkina ásamt smjörinu, sírópinu og sýrða rjómanum.
• Smjörið þarf alls ekki að bráðna í mjólkinni heldur er það einmitt mjög gott ef það gerir það ekki. Við það fást einmitt mýkri bollur.
• Hellið vökvann saman við hveitið og hrærið í deig. Bætið hveiti við eftir þörfum þar til deig hefur myndast og hnoðið það með léttar hendur þar til það er gott viðkomu.
• Setjið deigið í skál og látið það hefast á hlýjum stað í 30 mínútur.
• Hnoðið deigið vel eftir að það er búið að hefast.
• Skiptið deiginu í tvennt og fletjið hvern hluta út í hring sem er um ½ cm þykkur, líklega um 25- 30 cm á breidd og sem hægt er að skera í 8 ,,pizzusneiðar“.

Krem

• Blandið flórsykur og mjúkt smjör saman í skál.
• Bræðið súkkulaðið í vatnsbaði og blandið því saman við smjörið og flórsykrinum.
• Bætið rjómaostinum saman við og hrærið í þykkt krem.
• Setjið hindberin í skál – ef notuð eru frosin hindber þarf að láta þau þiðna áður en þau eru sett í hornin.

Hornin

• Setjið eina tsk. af súkkulaðikreminu á breiðari endann af ,,pizzusneiðinni.“
• Setjið eitt til tvö hindber ofan á kremið.
• Rúllið sneiðinni saman þannig að spíssinn endar undir horninu sjálfu. Gott er að þrýsta deiginu saman í kringum fyllinguna, þá er hættan minni á að fyllingin leki úr hornunum á meðan þau eru að bakast.
• Leggið hornið á bökunarplötu með bökunarpappír og togið aðeins í endana og leggið þá á móti hvort öðru þannig að það myndist sveigur á horninu.
• Látið hornin hefast í um 30 - 40 mínútur.
• Penslið hornin með léttþeyttu eggi fyrir fallegan glans.
• Stráið perlusykri yfir hornin og bakið þau neðarlega í ofninum í 13 – 17 mínútur á 220°C.
• Þegar hornin hafa kólnað er glassúrinn hrærður saman og sprautaður yfir hornin.
• Fallegt er að strá flórsykri yfir hornin.

Höfundur: Theodóra J. Sigurðardóttir Blöndal