Kanilkaka með sítrónu rjómaostakremi

Skref1

• Hitaðu ofninn í 180 gráður, hafðu tilbúin tvö meðalstór bökunarform og settu smjörpappír í botninn á þeim og stráðu örlitlu hveiti yfir. Þetta er gert svo að auðvelt verði að ná kökunni úr forminu.
• Blandaðu saman hveiti, lyftidufti og salti í skál og settu til hliðar.
• Hrærðu saman smjöri og sykri þangað til blandan verður mjúk og létt, bættu eggjunum saman við, einu í einu og hrærðu vel á milli. Skafðu hliðarnar í skálinni af og til, til þess að blanda deiginu vel saman. Bættu vanilludropum saman við.
• Helltu hveitiblöndunni og mjólkinni smám saman út í skálina og hrærðu á litlum hraða. Hrærðu vel saman.
• Blandaðu saman púðursykrinum og kanilnum og settu saman við deigið, hrærðu varlega saman við með sleif svo að púðursykurinn og kanilinn blandist gróflega saman við.
• Helltu deiginu í tvö meðalstór bökunarform og bakið í u.þ.b. 30-35 mínútur.

Skref2

• Sítónukremið sem setur punktinn yfir i-ið er einfalt að búa til.
• Hrærðu smjör þangað til það er orðið mjúkt. Bættu svo saman við rjómaostinum og hrærðu vel saman.
• Næst er flórsykrinum blandað varlega saman við, smá og smá í einu og hrært vel á milli áður en sítrónudropunum er bætt við.
• Þegar botnarnir hafa kólnar er kreminu smurt á annan botninn, hinn lagður ofan á og meira krem sett á toppinn.
• Kökuna má skreyta með sítrónuberki eða sneið(um) af sítrónu eða límónu.

Höfundur: Thelma Þorbergsdóttir