Kjúklinga lasanja með rjómaosti

Skref1

• Hitið ofn í 170 gráður með blæstri.
• Byrjið á að steikja spínatið á pönnu upp úr smá olíu, kryddið með salti og pipar.
• Færið yfir á eldhúspappír þegar steikt til að taka vökvann úr því.

Skref2

• Skerið laukinn smátt og kjúklinginn í litla bita, steikið kjúklinginn á pönnu og kryddið með salti, pipar, paprikudufti og ítalskri hvítlauksblöndu eða öðru góðu kryddi.
• Bætið lauknum út á og steikið áfram þar til laukurinn mýkist.
• Bætið nú tómatpaste, pestó, hökkuðum tómötum, rjómaosti og kjúklingakrafti út á pönnuna og leyfið að malla aðeins á vægum hita.
• Smakkið til með kryddi.

Skref3

• Takið nú spínatið og saxið það aðeins niður.
• Hrærið það svo saman við Kotasæluna.

Skref4

• Setjið nú lasanjað saman.
• Setjið smá af rauðu sósunni með kjúklingnum í botninn á fati, leggið lasanja blöð ofan á og smyrjið svo kotasælublöndu þar yfir. Endurtakið þetta þar til blandan er búin, endið á rauðri sósu og rifnum osti. Ég náði fimm lögum úr þessari uppskrift.
• Bakið í ofni í 45 mínútur eða þar til lasanjablöðin hafa bakast í gegn.
• Ef þið notið ferskar plötur má stytta bökunartímann í 25 mínútur.
• Berið fram með hvítlauksbrauði og/eða góðu salati að eigin vali.

Höfundur: Helena Gunnarsdóttir