Kjúklingaborgari með osti og kóríander majó
Hér er hamborgari, um hamborgara, frá hamborgara, til ... mín. Þessi er algjört lostæti og uppskriftin dugar fyrir fjóra.
Innihald
4 skammtar
| 8 stk. | úrbeinuð kjúklingalæri |
| 2 stk. | límónur |
| 1 handfylli | ferskur kóríander |
| 3 msk. | majones |
| 2 msk. | sýrður rjómi 10% frá Gott í matinn |
| 1 stk. | græn papríka |
| 2 stk. | rauðlaukur |
| 1 stk. | Óðals Hávarður |
| 4 stk. | hamborgarabrauð, t.d. brioche |
| sjávarsalt, nýmalaður svartur pipar og ólífuolía |
Skref1
- Byrjið á að marinera kjúklinginn. Setjið kjúklingalærin í skál og rífið börkinn af einni límónu yfir og kreistið safann einnig yfir.
- Takið kóríander og skerið neðri helminginn af stilkunum mjög smátt og setjið í skálina. Geymið dálítið af kóríander laufblöðum fyrir sósuna.
- Setjið 2 msk. af ólífuolíu yfir ásamt vel af salti og nýmöluðum pipar og leyfið þessu að standa á meðan þið undirbúið restina af réttinum.
- Hrærið saman majónes, sýrðum rjóma, berki af límónu, safa úr hálfri límónu, smátt söxuðum kóríander. Smakkið til með salti og pipar og setjið til hliðar.
Skref2
- Hitið pönnu á háum hita. Skerið rauðlauk og papriku í þunnar sneiðar og steikið uppúr dálítilli olíu, kryddið með salti og pipar. Takið af hitanum þegar kominn er fallegur litur á grænmetið.
- Grillið kjúklingalærin þar til elduð í gegn, setjið þá tvær vænar sneiðar af Óðals Hávarði (áður Havarti) á hvert læri, piprið og lokið grillinu þar til osturinn bráðnar og hitið brauðin á meðan.
- Setjið kjúklinginn á brauðin, tvö læri á hvern borgara. Toppið kjúklinginn með steiktu grænmeti og kóríander majonesi. Berið fram með ofnbökuðum kartöflubátum.
Höfundur: Helena Gunnarsdóttir