Kúskússalat með ostakubbi og sítrussósu
Þetta létta og bragðgóða kúskússalat passar frábærlega með fiski og öllum grillmat.
Innihald
1 skammtur
Kúskússalat með fetaosti:
| 2 dl | kúskús |
| 2 dl | sjóðandi vatn |
| ögn af grænmetiskrafts teningi | |
| handfylli af saxaðri steinselju | |
| handfylli af söxuðu kóríander | |
| 50 g | ristaðar furuhnetur |
| 100 g | Ostakubbur frá Gott í matinn |
Sítrussósa:
| 3 msk. | ólífuolía |
| 1 msk. | hvítvínsedik |
| 1 msk. | sítrónusafi |
| 1 tsk. | fínsöxuð niðursoðin sítróna |
| salt og svartur pipar | |
| hunang |
Skref1
- Byrjið á að útbúa salatsósuna.
- Pískið saman fyrstu fjórum hráefnunum.
- Smakkið til með hunangi, salti og pipar.
Skref2
- Setjið kúskús í skál og bætið smá grænmetiskrafti saman við.
- Hellið sjóðandi vatni yfir og hyljið síðan skálina með loki eða álpappír í 5 mínútur.
- Hrærið svo í með gaffli.
- Hellið sítrussósunni saman við og blandið vel saman.
- Blandið furuhnetum, kryddjurtum og myljið ostakubbin (áður fetakubb) saman við.
- Saltið og piprið ef þurfa þykir.
Höfundur: Erna Sverrisdóttir