Milljón dollara ídýfa
Þessi ídýfa toppar allar ídýfur, enda fékk hún nafnið milljón dollara ídýfan. Hún slær alltaf í gegn og er það fyrsta sem klárast á veisluborðinu. Ídýfan er fljótgerð og einstaklega góð með snakki eða kexi við hvaða tilefni sem er.
Innihald
1 skammtur
| 250 g | rjómaostur til matargerðar frá Gott í matinn |
| 180 g | sýrður rjómi 10% frá Gott í matinn |
| 1 pk. | Kims dipmix með sýrðum rjóma og púrrulauk |
| 170 g | 4 osta blanda frá Gott í matinn |
| 1⁄2 stk. | rauðlaukur |
| 6 sneiðar | beikon |
| • | graslaukur |
Skref1
- Hitið ofninn í 200 gráður, setjið bökunarpappír á bökunarplötu og eldið beikonið þar til það er orðið stökkt.
- Leyfið beikoninu að kólna
Skref2
- Setjið rjómaost, sýrðan rjóma og Kims dipmix í matvinnsluvél og hrærið þar til allt hefur blandast vel saman.
- Hér má einnig blanda saman við rauðlauk, beikoni og osti og láta matvinnsluvélina vinna blönduna í mjúka og slétta ídýfu.
- Fyrir þau sem vilja smá stökkt undir tönn er betra að skera rauðlauk og beikon smátt niður og blanda saman við með sleif, ásamt ostinum.
Skref3
- Setjið í skál og skreytið með stökku beikoni, graslauk og osti.
- Gott er að bera þessa ómótstæðilegu ídýfu fram t.d. með salt og pipar snakki eða góðu kexi.
Höfundur: Thelma Þorbergsdóttir