Nautalund fyllt með camembert, villisveppasósa og fylltar kartöflur

Skref1

• Skerið nautalundina í um 200 g steikur.
• Skerið með litlum hníf inn í hliðina á steikinni, passlega lítið þannig hægt sé að koma þar inn 1/6 bita af camembert.
• Brúnið steikina í smjöri og bakið í ofni við 180°C 6-8 mínútur.
• Gott er að hvíla steikina eftir 5 mínútur og bæta svo við síðustu mínútunum.
• Látið loks steikina standa í 2-3 mínútur áður hún er borin fram.

Skref2

• Leggið villisveppina í bleyti í heitt vatn og látið standa í 15 mínútur.
• Saxið sveppina og villisveppina og brúnið í smjörinu og kryddið með salti og pipar.
• Bætið við rjóma og vatni og látið suðuna koma upp.
• Skerið villisveppaostinn í bita og bætið við. Hrærið vel í.
• Bragðbætið með kjötkrafti ef með þarf.

Skref3

• Bakið kartöflurnar í 45-50 mínútur.
• Látið standa örlítið svo þær kólni lítið eitt.
• Skerið kartöflurnar í tvo helminga og skafið innihaldið úr hýðinu. Geymið hýðið.
• Hrærið saman innihaldið úr kartöflunum með sýrða rjómanum, eggjarauðu og rifnum osti.
• Setjið fyllinguna í hýðið og bakið við 170°C í 12-15 mínútur.

Höfundur: Árni Þór Arnórsson