Ostafyllt brauðstangajólatré

Skref1

• Setjið þurrefnin í hrærivélarskál með krókinn á og hellið vatni og ólífuolíu saman við og hnoðið í nokkrar mínútur.
• Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í um 1 klukkustund.

Skref2

• Hitið ofninn í 200°C.
• Skiptið deiginu næst í tvo hluta. Fletjið annan út og mótið nokkurs konar jólatré/þríhyrning úr honum sem þekur bökunarplötu (á bökunarpappír) eins og unnt er (hægt að teikna á smjörpappír. Líka gott að renna hnífnum laust eftir deiginu til að gera smá línu áður en skorið er af deiginu til að það sé um það bil eins báðum megin.
• Penslið með hvítlaukssmjöri og stráið cheddar ostinum yfir smjörið.
• Hvítlaukssmjör: Setjið innihaldsefni í pott og hrærið saman á vægum hita þar til smjörið er bráðið.

Skref3

• Fletjið hinn helming deigsins út og leggið ofan á, skerið síðan eftir línunum.
• Ímyndið ykkur síðan að það sé stofn upp með miðju jólatrénu og skerið jafnar lengjur til beggja hliða út frá „stofninum“, þær mega vera um 3 cm á breidd.
• Snúið síðan upp á hverja lengju svo úr verði snúin brauðstöng, það er allt í lagi þó smá ostur hrynji út.

Skref4

• Penslið aftur með hvítlaukssmjöri og bakið í 15-20 mínútur eða þar til tréð er orðið vel gyllt.
• Takið úr ofninum og penslið einu sinni enn með vel af hvítlaukssmjöri.
• Njótið með pizzasósu.

Höfundur: Berglind Hreiðarsdóttir