Pasta pomodoro með mozzarella kúlum
Afskaplega einfaldur og vinsæll réttur sem ég elda næstum því vikulega. Það er frábært að nota í þennan rétt tómata sem eru orðnir vel þroskaðir, annað hvort kirsuberja- eða venjulega eða blöndu af þeim tómötum sem þið eigið. Svo er bara öllu hent í eitt fat, bakað og soðnu spaghettíi svo bætt saman við bakaða tómatana. Perfecto!
Innihald
4 skammtar
vel þroskaðir tómatar
hvítlauksrif
laukur
ólífuolía
chiliflögur
•
salt og pipar
mozzarellakúlur
spaghettí eða annað pasta
•
rifinn Goðdala Feykir eða annar harður ostur
•
fersk basilíka
| vel þroskaðir tómatar | |
| hvítlauksrif | |
| laukur | |
| ólífuolía | |
| chiliflögur | |
| • | salt og pipar |
| mozzarellakúlur | |
| spaghettí eða annað pasta | |
| • | rifinn Goðdala Feykir eða annar harður ostur |
| • | fersk basilíka |
Skref1
- Hitið ofn í 180 gráður með blæstri.
- Byrjið á að skera tómatana niður og setja í eldfast mót ásamt þunnt sneiddum hvítlauk og lauk.
- Hellið vel af ólífuolíu yfir ásamt ríflegu af salti og pipar og chilliflögum eftir smekk.
- Bakið í 25-30 mínútur eða þar til tómatarnir eru vel mjúkir.
Skref2
- Sjóðið pasta skv. leiðbeiningum.
- Takið tómatana úr ofninum og bætið soðnu pastanu saman við.
- Geymið dálítið af pastavatninu og setjið saman við eftir þörfum.
- Rífið ferska basilíku gróflega og bætið út í, smakkið til með salti, pipar og rifnum osti.
- Toppið með ferskum mozarella kúlum, basil og ólífuolíu
Höfundur: Helena Gunnarsdóttir