Piparmyntu súkkulaði ostamús

Aðferð

• Setjið Oreo kexkökur í matvinnsluvél og hakkið gróflega.
• Setjið 1–2 msk af Oreo kexi í hvert glas fyrir sig.
• Setjið rjómaostinn í hrærivél og  hrærið þar til hann er orðinn mjúkur og sléttur, rúmar 5 mínútur. Bræðið súkkulaði yfir vatnsbaði og hrærið þar til súkkulaðið hefur náð að bráðna, kælið súkkulaðið örlítið áður en þið setjið það saman við rjómaostinn.
• Blandið súkkulaðinu saman við ásamt kakói og piparmyntudropum og hrærið vel.
• Þeytið rjóma og blandið honum saman við með sleif og hrærið þar til allt hefur náð að blandast vel saman.
• Setjið ostamúsina í sprautupoka og sprautið henni fallega í hvert glas fyrir sig.
• Þeytið restina af rjómanum og sprautið honum fallega ofan á ostamúsina ásamt 1 stk. After eight piparmyntusúkkulaði.
• Geymið ostamúsina í kæli þar til hún er borin fram. 

Höfundur: Thelma Þorbergsdóttir