Pizza með íslenskum burrata
Burrata ostur er einn af þessum sem lætur mann kikna í hnjánum. Það er svo gott að nota hann í ýmsa matargerð og á pizzur er hann guðdómlegur. Ég smakkaði fyrst Burrata ost í Friðheimum fyrir nokkrum árum og eftir það var ekki aftur snúið. Það hefur hins vegar reynst þrautinni þyngra að nálgast þessa dásemd en nú hefur Mjólkursamsalan hafið sölu á þessum osti í lausasölu og ég mæli með að þið laumið ykkur alltaf í eina, ef ekki fleiri dósir þegar hann er til í verslunum!
Innihald
1 skammtar
•
pizzadeig að eigin vali
•
pizzasósa að eigin vali
•
oreganó krydd
•
rifinn pizzaostur frá Gott í matinn
•
grænt basil pestó, nokkrar teskeiðar
•
rautt chili pestó, nokkrar teskeiðar
•
klettasalat, ein lúka
piccolo- eða kirsuberjatómatar
íslenskur burrata ostur
•
balsamik gljái
•
fersk basilíka, söxuð
| • | pizzadeig að eigin vali |
| • | pizzasósa að eigin vali |
| • | oreganó krydd |
| • | rifinn pizzaostur frá Gott í matinn |
| • | grænt basil pestó, nokkrar teskeiðar |
| • | rautt chili pestó, nokkrar teskeiðar |
| • | klettasalat, ein lúka |
| piccolo- eða kirsuberjatómatar | |
| íslenskur burrata ostur | |
| • | balsamik gljái |
| • | fersk basilíka, söxuð |
Skref1
- Hitið ofninn í 220°C og fletjið pizzadeigið út þar til það verður um 30 cm í þvermál.
- Komið deiginu fyrir á bökunarplötu, smyrjið pizzasósu yfir allt og setjið pizzaost og oregano eftir smekk, brjótið næst aðeins upp á kantana.
- Bakið í um 15 mínútur eða þar til kantarnir gyllast vel og takið þá úr ofninum.
Skref2
- Setjið smá grænt og rautt pestó hér og þar um pizzuna, næst klettasalat á hana miðja og dreifið úr tómötunum.
- Komið þá Burrata kúlunni fyrir á miðjunni og setjið ólífuolíu og balsamikgljáa yfir allt og loks smá basiliku.
- Berið pizzuna fram, skerið í kúluna og dreifið rjómafyllingunni yfir hverja sneið.
Höfundur: Berglind Hreiðarsdóttir