Pizzu pasta
Það er snilld að geta skipt stundum út föstudags pizzunni út fyrir pizzu pasta sem krakkarnir elska. Hægt er að setja sama álegg á pizzu pastað og þú færð þér á pizzu, t.d. bætt við lauk, ólífum, sveppum eða því sem hugurinn girnist. Fljótleg og fjölskylduvæn uppskrift.
Innihald
6 skammtar
| 500 g | nautahakk |
| 500 g | pastaskrúfur |
| 1 msk | ólífuolía |
| 180 g | pepperoni |
| 1 stk | græn paprika |
| 3 stk | hvítlauksgeirar |
| 200 ml | pizzasósa |
| 500 g | tómat pastasósa |
| 1 msk | ítölsk kryddblanda eða pizzakrydd |
| 1 tsk | sjávarsalt |
| 100 g | pizzaostur frá Gott í matinn |
Toppur
| • | pizzaostur frá Gott í matinn |
| • | græn paprika |
| • | pepperoni |
Skref1
- Sjóðið pasta eftir leiðbeiningum á pakkningu.
- Setjið ólífuolíu á pönnu og steikið hakkið. Þegar hakkið er nánast full eldað setji þið saxaðan hvítlauk saman við ásamt pizzakryddi og salti.
Skref2
- Skerið pepperoni í minni bita og setjið saman við hakkið ásamt papriku. Geymið nokkrar sneiðar af pepperoni og nokkra bita af papriku til þess að setja ofan á réttinn í lokin.
- Blandið pizzasósu og pastasósunni saman við hakkið og leyfið að sjóða við vægan hita í rúmar 10 mínútur.
- Þeir sem vilja bæta ólífum, sveppum eða öðru við gera það áður en sósan er sett saman við.
Skref3
- Blandið pastaskrúfunum saman við hakkið ásamt rifna ostinum og hrærið þar til allt hefur blandast vel saman.
- Setjið í eldfast mót, setjið rifinn pizzaost ofan á, pepperoni og papriku.
- Eldið í ofninum í 10 mínútur við 180 gráðu hita eða þar til osturinn hefur náð að bráðna alveg.
- Berið fram með t.d. hvítlauksbrauði.
Höfundur: Thelma Þorbergsdóttir