Quesadilla með Dala Brie, vorlauk og vínberjum
Hér er á ferðinni svona “slá í gegn” samsetning sem allir vilja uppskriftina að. Mjúkur osturinn, sæt og stökk vínber og ferskur vorlaukur einfaldlega smellpassar saman!
Frábær smáréttur með köldum drykk eða á veisluborðið. Hentar fyrir 4 sem smáréttur.
Innihald
4 skammtar
Meðalstórar tortillakökur
Dala Brie
Nokkur vínber, skorin í tvennt
Vorlaukar, smátt saxaðir (2-3 stk.)
Smjör
| Meðalstórar tortillakökur | |
| Dala Brie | |
| Nokkur vínber, skorin í tvennt | |
| Vorlaukar, smátt saxaðir (2-3 stk.) | |
| Smjör |
Skref1
- Skerið ostinn í sneiðar þvert á stykkið þannig að þið fáið langar og frekar þunnar sneiðar.
- Skerið vínberin í tvennt og vorlaukinn smátt.
Skref2
- Raðið ostasneiðunum yfir tvær tortillakökur.
- Dreifið vínberjum jafnt yfir ásamt vel af vorlauk.
- Leggið aðra tortillaköku ofan á.
Skref3
- Hitið pönnu á meðal-háum hita og bræðið 1 msk af smjöri.
- Steikið fyllta tortillakökuna í um 1 mínútu á hvorri hlið eða þar til osturinn bráðnar og kökurnar eru stökkar og gullinbrúnar. Gott er að nota stóran spaða til að snúa kökunni við eða leggja disk ofan á og hvolfa pönnunni.
Skref4
- Bræðið meira smjör og endurtakið með seinni kökuna.
- Skerið í sneiðar og berið fram volgt eða við stofuhita.
Höfundur: Helena Gunnarsdóttir