Rauðrófu hummus með ostakubbi
Ég fæ ekki leið á því að búa til uppskriftir sem innihalda rauðrófur. Ástæðan er einföld, rauðrófur eru ofurfæða, góðar fyrir alla og sérstaklega þá sem eru að æfa mikið. Talið er að rauðrófur geti hjálpað til við að lækka blóðþrýsting og minnkað bólgur í líkamanum. Rauðrófur eru stútfullar af trefjum, vítamínum og steinefnum. Svo er einfaldlega gaman að borða allt sem er bleikt og fallegt.
Innihald
1 skammtar
forsoðnar rauðrófur (1-2 eftir stærð)
ostakubbur frá Gott í matinn
kjúklingabaunir (ein dós)
safi af kjúklingabaunum
tahini (10 g)
•
safi úr einni sítrónu (2-3 msk.)
hvítlauksrif
kúmín
smá salt og pipar
| forsoðnar rauðrófur (1-2 eftir stærð) | |
| ostakubbur frá Gott í matinn | |
| kjúklingabaunir (ein dós) | |
| safi af kjúklingabaunum | |
| tahini (10 g) | |
| • | safi úr einni sítrónu (2-3 msk.) |
| hvítlauksrif | |
| kúmín | |
| smá salt og pipar |
Aðferð
- Hellið kjúklingabaunum í sigti og takið safann frá. Ég reyni að taka sem mest af hýðinu á baununum frá, án þess að eyða öllum deginum í það.
- Blandið öllum innihaldsefnunum saman í blandara eða matvinnsluvél.
- Smakkið hummusinn til og saltið í lokin ef þess þarf en annars er osturinn saltur svo það þarf að gæta þess að setja ekki of mikið salt.
- Ég setti um 4 msk. af safanum af kjúklingabaununum en ef þér finnst vanta meiri vökva er gott að bæta við meiri safa eða meiri sítrónusafa.
- Mjög fallegt að bera hummusinn fram í skál og brjóta smá af ostakubbnum í litla bita ofan á.
Næringargildi
- Fyrir þau sem að telja macros fylgir skráning næringargilda með.
- Næring í 100 g: Kolvetni: 11,8 g - Prótein: 7,2 g - Fita: 6,3 g - Trefjar: 1,7 g.
- Þú finnur þessa skráningu í Myfitnesspal appinu með því að leita að: Helga Magga eða rauðrófuhummus.
Höfundur: Helga Magga