Ribeye og stökkar ostakartöflur með kryddsmjöri
Ef þú ert í skapi fyrir einfaldan og góðan grillmat mælum við sérstaklega með að bæta kryddsmjöri frá MS á innkaupalistann en kryddsmjörið er þetta litla extra sem gerir góðan grillmat að hreinu lostæti. Kryddsmjör með saltflögum er nýjasta viðbótin í vörulínunni og óhætt að segja að þar sé komið sannkallað sælkerasmjör sem smellpassar í bökuðu kartöfluna, á kjötið, fiskinn og grænmetið.
Innihald
2 skammtar
| 2 stk. | vænar ribeye steikur, eða annað grillkjöt |
| • | flögusalt og nýmalaður pipar |
| • | kryddsmjör með saltflögum frá MS |
| 10 stk. | litlar kartöflur |
| • | Goðdala Reykir, rifinn |
| • | kryddsmjör með blönduðum kryddjurtum frá MS |
Skref1
- Takið kjötið úr kæli og sjóðið kartöflurnar þar til þær eru soðnar í gegn.
- Hitið ofninn í 220°C undir og yfirhita.
Skref2
- Setjið bökunarpappír á bökunarplötu. Setjið soðnar kartöflurnar á plötuna og þerrið vatnið vel ef þarf.
- Kremjið hverja kartöflu vel niður, mér finnst gott að nota sléttan botn á glasi.
- Penslið ríflega af kryddsmjörinu yfir kartöflurnar.
- Bakið fyrst í 20 mín.
Skref3
- Takið kartöflurnar út og rífið ríflega af Reyki osti yfir.
- Setjið aftur í ofninn og bakið í 20-25 mín í viðbót.
Skref4
- Hitið grillið amk upp í 250°C. Piprið steikurnar vel og grillið þar til kjarnhiti nær 58-60°C. Takið þá steikurnar af grillinu og hvílið í amk 5 mín.
- Berið steikurnar fram með góðri klípu af kryddsmjöri, fersku salati og klessukartöflunum.
Höfundur: Valgerður Gréta Gröndal