Rjómalagað hakk og pasta
Ég held að hakk og spaghettí sé með klassískustu heimilisréttum Íslendinga, það er allavega 'go to' rétturinn hjá manninum mínum þegar hann eldar. Skiljanlega, börnin borða vel af þessu, réttinn er einfalt að elda og svo bragðast hann oftast vel.
Við ætlum ekki að breyta klassíkinni mikið en ég er búin að komast að því að bæta einhverju rjómakenndu í rétti er alltaf viðbót af hinu góða. Rjómaostarnir frá MS henta fullkomlega í þennan rétt og í raun hægt að velja hvaða bragðtegund sem er, t.d. rjómaost með grillaðri papriku og chili eða tómötum og basilíku.
Innihald
4 skammtar
olía
laukur
hakk
hvítlauksrif
sriracha sósa (má sleppa)
sojasósa
ítalskt krydd
vatn
nautakraftsteningur
niðursoðnir tómatar (1 dós)
tómatpúrra
rjómaostur með grillaðri papriku og chili eða tómötum og basilíku
•
salt og pipar
penne pasta
| olía | |
| laukur | |
| hakk | |
| hvítlauksrif | |
| sriracha sósa (má sleppa) | |
| sojasósa | |
| ítalskt krydd | |
| vatn | |
| nautakraftsteningur | |
| niðursoðnir tómatar (1 dós) | |
| tómatpúrra | |
| rjómaostur með grillaðri papriku og chili eða tómötum og basilíku | |
| • | salt og pipar |
| penne pasta |
Skref1
- Setjið olíu á pönnu og skerið laukinn smátt niður og bætið út á pönnuna og steikið í 2-3 mín.
- Takið utan af hvítlauknum og saxið niður eða notið hvítlaukspressu. Steikið með lauknum í augnablik.
- Bætið þá hakkinu út á pönnuna og steikið þangað til að hakkið er orðið brúnað.
Skref2
- Bætið þá restinni af hráefnunum saman við og stillið á miðlungshita, kryddið með salt og pipar eftir smekk.
- Leyfið að eldast meðan pastað er soðið.
- Setjið vatn í pott og leyfið suðunni að koma upp.
- Bætið pastanu út í og sjóðið þangað til að það er fulleldað.
Skref3
- Hellið vatninu af pastanu og blandið saman við kjötið og sósuna.
- Berið fram með t.d. rifnum Goðdala Feyki osti eða parmesan, hvítlauksbrauði og fersku salati.
Höfundur: Guðrún Ýr Eðvaldsdóttir