Serrano skinkuhorn

Deig

• Hitið mjólkina þangað til hún er ylvolg, í örbylgjuofni eða potti.
• Setjið í hrærivélina og bætið þurrgerinu saman við, hrærið létt saman.
• Leyfið því að standa örlítið meðan þið takið hin hráefnin saman.
• Bætið þá restinni af hráefnunum saman við og hrærið með krók á lágri stillingu í 3-4 mín.
• Takið deigið sem hefur fest við krókinn af og takið deigið í hendurnar á ykkur og hnoðið í kúlu.
• Setið deigið aftur í skálina og rakt viskastykki yfir.
• Leyfið deiginu að hvíla í minnst klst.

Fylling

• Skerið skinkuna niður.
• Blandið skinkunni saman við rjómaostinn.

Skinkuhorn

• Takið deigið, setjið á hveitistráð borð og skiptið því upp í tvennt.
• Takið fyrri hlutann og fletjið út, reynið að fletja það út í hring eftir bestu getu.
• Gott er að fletja það vel út eða um 5 mm á þykkt.
• Skerið síðan deigið í 16 þríhyrninga.
• Setjið um eina teskeið af fyllingu á hvern þríhyrning og setjið á breiðari endann. Sáldrið svörtum pipar yfir.
• Rúllið hornunum upp: Togið aðeins í hornin sitthvoru megin við fyllinguna, lokið fyllinguna inni með deiginu og rúllið upp. Togið í mjóa endann til að fá brotið í þeim til að enda undir horninu.
• Leggið hornin á bökunarpappír og látið mjóa endann snúa niður og hafið gott bil á milli þeirra. Passið að fyllingin sé lokuð inni í deiginu svo hún renni ekki út um allt þegar þau fara inn í ofn.
• Leyfið hornunum að hefast í 20-30 mínútur.
• Endurtakið með hinn hlutann af deiginu.
• Kveikið á ofninum og stillið á 200°c, blástur.
• Setjið smávegis mjólk í glas og penslið yfir hornin til að fá fallega áferð á þau. Setjið rifinn ost ofan á hvert horn.
• Bakið hornin í 10 mínútur eða þangað til þau eru orðin gullinbrún.

Höfundur: Guðrún Ýr Eðvaldsdóttir