Skyrkaka með berjum og hvítu súkkulaði

Skref1

• Setjið hafrakex í matvinnsluvél og hakkið þar til kexið er orðið fínmalað.
• Bræðið smjör og hellið saman við kexið og hrærið vel saman.
• Hellið kexblöndunni í hringlaga form um 22 cm stórt og þrýstið því vel niður í botninn og upp á hliðar formsins.
• Gott er að nota botninn á glasi til þess að þrýsta kexinu vel niður.

Skref2

• Þeytið rjómann og hrærið saman við skyrið þar til allt hefur blandast vel saman.
• Hellið skyrblöndunni yfir kexbotninn og sléttið út með sleif.
• Setjið bláber og hindber jafnt og þétt yfir kökuna.

Skref3

• Bræðið hvítt súkkulaði yfir vatnsbaði og hrærið stanslaust þar til súkkulaðið hefur náð að bráðna alveg.
• Gætið þess að súkkulaðið sé ekki mjög heitt þegar það er sett á kökuna.
• Dreifið hvíta súkkulaðinu óreglulega yfir berin og setjið í kæli þar til kakan er borin fram.

Höfundur: Thelma Þorbergsdóttir