Skyrkakan sem enginn stenst

Botn

• Setjið bökunarpappír í botninn á um 20-22 cm smelluformi.
• Myljið hafrakex í blandara þar til það er orðið duftkennt.
• Blandið bræddu smjöri saman við og þjappið í botninn á smelluforminu, setjið í frystinn á meðan þið útbúið fyllinguna.

Fylling

• Leggið matarlímsblöðin í bleyti í kalt vatn í nokkrar mínútur.
• Hitið mjólkina í potti, takið matarlímsblöðin upp úr vatninu, eitt í einu og vindið út í heita mjólkina. Hrærið vel á milli hvers og þegar blöðin eru öll uppleyst má hella blöndunni í skál og leyfa hitanum að rjúka úr á meðan þið undirbúið annað.
• Þeytið rjóma, flórsykur og vanillusykur saman.
• Vefjið skyrinu saman við rjómablönduna og hellið næst matarlímsblöndunni í mjórri bunu saman við og blandið vel saman.
• Hellið yfir kexbotninn í smelluforminu og setjið í kæli í að minnsta kosti 5 klukkustundir eða yfir nótt.
• Skerið síðan meðfram hringnum á forminu að innan áður en þið losið hliðarnar frá og flytjið kökuna yfir á fallegan disk.

Skreyting

• Skreytið kökuna með ferskum berjum á borð við jarðarber, bláber, hindber og brómber.
• Rífið eða saxið dökkt súkkulaði og stráið yfir kökuna.
• Svo er bara að njóta.

Höfundur: Berglind Hreiðarsdóttir