Snittur með piparosti, rjómaosti og grænum baunum
Það er gaman að bjóða upp á léttar, fallegar og bragðgóðar veitingar þegar boðið er í hátíðlega veislu eða í matarboð. Litlar brauðsneiðar (crostini) með fallegu, mismunandi áleggi er skemmtilegt og auðvelt að búa til og vekur mikla ánægju og hentar einmitt mjög vel sem fingramatur.
Innihald
30 skammtar
snittubrauð
piparostur
rjómaostur frá Gott í matinn
grænar baunir (gott að nota frosnar)
piparrót
Steinselja
Valhnetur
| snittubrauð | |
| piparostur | |
| rjómaostur frá Gott í matinn | |
| grænar baunir (gott að nota frosnar) | |
| piparrót | |
| Steinselja | |
| Valhnetur |
Skref1
- Stillið ofnhita á 180 °C.
Skref2
- Skerið baguette í þunnar sneiðar á ská.
- Ristið sneiðarnar í heitum ofni og snúið þeim við svo báðar hliðar taki lit.
- Látið sneiðarnar kólna áður en áleggið er sett á.
- Gott er að rista sneiðarnar með góðum fyrirvara.
- Eitt baguette er hægt að skera í um 30 sneiðar.
Skref3
- Skerið piparostinn í þunnar sneiðar.
- Blandið um 150 g af rjómaosti saman við 1 dl af grænum baunum sem búið er hita aðeins.
- Kremjið vel saman.
- Bragðbætið með piparrót eftir smekk.
Skref4
- Setjið sneið af piparosti á hverja brauðsneið og eina skeið af baunarjómaostinum yfir.
- Skreytið með steinselju og valhnetum.
Höfundur: Theodóra J. Sigurðardóttir Blöndal