Spínatídýfa með Óðalsosti
Ídýfuna má líka nota sem ljúffengan kjúklingarétt, þá eru t.d. kjúklingabringur skornar í tvennt, lagðar í eldfast mót, kaldri ídýfunni dreift yfir og svo bakað þar til kjúklingurinn er eldaður í gegn, 30-40 mínútur á 180 gráður.
Berið fram heitt eða volgt með baguette brauði, snakki, kexi eða niðurskornu grænmeti.
Innihald
4 skammtar
| 200 g | ferskt spínat (einn stór poki) |
| 1 | krukka grillaðir ætiþistlar í olíu |
| 1 | lítill laukur |
| 250 g | Gamli rjómaosturinn frá Gott í matinn |
| 1 | lítil dós kotasæla |
| 2 msk. | majónes |
| 2 dl | rifinn parmesan ostur |
| 3 dl | bragðmikill ostur, t.d. Óðalsostur, Óðals Ísbúi eða Óðals Tindur |
| 1⁄4 tsk. | múskat |
| 2 tsk. | grænmetiskraftur eða hálfur grænmetisteningur mulinn niður |
| Salt og pipar eftir smekk |
Skref1
- Steikið spínatið upp úr smá olíu á pönnu þar til það er allt orðið mjúkt.
- Setjið á disk með eldhúspappír, leyfið að kólna aðeins og þerrið.
Skref2
- Hellið olíunni af ætiþistlunum og saxið smátt.
- Saxið laukinn einnig smátt.
- Blandið öllu vel saman í skál, en geymið um það bil 1 dl af osti til að dreifa yfir í lokin.
- Bætið spínatinu saman við.
Skref3
- Dreifið að lokum aðeins meira af rifnum osti yfir og setjið í eldfast mót og bakið við 200 gráður í 20 mínútur.
Höfundur: Helena Gunnarsdóttir