Súkkulaðikaka með bláberjum og rjómaosti

Skref1

• Hitið ofn í 180 gráður.
• Bræðið saman smjör og súkkulaði. Kælið aðeins.
• Hrærið saman egg, vanilludropa og sykur þar til létt og ljóst.
• Bætið við hveiti og lyftidufti.
• Malið möndlur í matvinnsluvél.
• Hrærið möndlumjölið saman við deigið.
• Hellið bráðnu súkkulaðinu út í deigið í mjórri bunu og hrærið.
• Setjið loks helminginn af berjunum varlega saman við og blandið vel en rólega með sleif svo berin springi ekki of mikið.

Skref2

• Hrærið saman öllu hráefninu í rjómaostakremið þar til létt og kekkjalaust.

Skref3

• Klæðið 20-22 cm form með bökunarpappír.
• Hellið deiginu í.
• Hellið rjómaostakreminu í mjórri bunu hring eftir hring yfir deigið í forminu.
• Notið gaffal til að hræra kremið örlítið saman við deigið, gerið hringhreyfingar með gafflinum ofan í deigið svo úr verði marmaramunstur.

Skref4

• Sáldrið afganginum af berjunum yfir að lokum og stingið kökunni í ofn.
• Bakið í 40-50 mínútur eða þar til efsta lag kökunnar er orðið stinnt þegar ýtt er á það.
• Alls ekki baka kökuna mikið, það er miklu betra að hún sé pínu blaut í miðjunni.

Höfundur: Halla Bára Gestsdóttir