Tómatsúpa með ristuðum tómötum og basilíku

Skref1

• Skerið fersku tómatana í tvennt og raðið þeim á ofnplötu með bökunarpappír.
• Setjið ólífuolíu yfir alla tómatana og kryddið með salti og pipar.
• Bakið í klukkustund við 180°C.

Skref2

• Á meðan tómatarnir eru að bakast er gott að byrja á rest.
• Setjið smjör í pott, skerið niður lauk og steikið þar til laukurinn er orðinn ljós gylltur að lit.
• Skerið niður eða pressið hvítlaukinn, bætið saman við og steikið léttilega.
• Setjið tómatana úr dós saman við ásamt grófsaxaðri basilíku, fersku garðablóðbergi, salti og pipar og leyfið suðunni að koma upp.
• Setjið vatn saman við ásamt grænmetisteningum og hrærið vel saman.
• Látið sjóða í rúmar 10-15 mínútur.

Skref3

• Þegar tómatarnir hafa bakast í ofninum er þeim bætt saman við.
• Maukið súpuna með töfrasprota þar til súpan er orðin mjúk og slétt og látið hana sjóða í stutta stund.
• Blandið rjóma saman við og hrærið vel. Gott er að smakka súpuna til og ef til vill salta eða bæta svörtum pipar við ef þarf.
• Setjið súpuna í skálar og berið fram með rifnum Goðdala Feyki eða parmesanosti ofan á og auka basilíku fyrir þau sem vilja.
• Tómatbrauð eða annað gott brauð ásamt íslensku smjöri er fullkomið meðlæti með súpunni.

Höfundur: Thelma Þorbergsdóttir