Tyrknesk pide - Öðruvísi pizzur

Aðferð:

• Hrærið saman vatn, sykur og ger í skál og látið standa í um 10 mínútur eða þar til gerið er farið að freyða.
• Setjið ólífuolíu, salt og hveiti saman við, gott er að setja hveitið smátt og smátt saman við.
• Hrærið með hnoðara í nokkrar mínútur þar til deigið hefur sleppt skálinni.
• Setjið deigið í skál, gott er að smyrja skálina að innan með olíu.
• Setjið plastfilmu yfir eða rakt viskastykki og látið deigið lyfta sér í klukkustund.
• Takið deigið úr skálinni og hnoðið, skiptið deiginu niður í 2-3 hluta og rúllið deigið út þannig að það verði ílangt.
• Setjið álegg og bakið við 200 gráðu hita í 12-15 mínútur.

Tyrknesk Pide með sólþurrkuðum tómötum og grillosti

• Smyrjið pestóinu á botninn og dreifið sólþurrkuðum tómötum jafnt yfir.
• Skerið Grillostinn smátt niður og dreifið honum yfir allt.
• Snúið upp á endana á deiginu og brjótið kantana inn, þetta kemur í veg fyrir að osturinn og annað leki út við eldun.
• Bakið við 200 gráður í 12-15 mínútur eða þar til deigið er orðið ljós gyllt og osturinn bráðnaður.
• Gott er setja góða ólífuolíu yfir, smá salt og klettasalat.

Tyrknesk Pide með grænu pestói, tómötum og mozzarella með basilíku

• Smyrjið deigið með pestói, skerið tómata niður í sneiðar ásamt rauðlauk og setjið ofan á pestóið.
• Dreyfið mozzarellakúlum með basilíku jafnt yfir.
• Snúið upp á endana á deiginu og brjótið kantana inn, þetta kemur í veg fyrir að osturinn og annað leki út við eldun.
• Bakið við 200 gráður í 12-15 mínútur eða þar til deigið er orðið ljós gyllt og osturinn bráðnaður.
• Gott er setja góða ólífuolíu yfir, smá salt og klettasalat.

Höfundur: Thelma Þorbergsdóttir