Veisluostur með reyktum laxi
Hér er á ferðinni einföld og bragðgóð rjómaostakúla með reyktum laxi sem upplagt er að bjóða upp á í jólaboðunum í desember. Reykti laxinn gerir rjómaostinn hátíðlegan með stökkum pekanhnetum. Gott er útbúa kúluna daginn áður en hún er borin fram en með því að láta ostinn geymast í kæli yfir nótt kemur einstakt bragð af laxinum. Berið fram með kexi eða brauði.
Innihald
1 skammtur
| 500 g | rjómasostur til matargerðar frá Gott í matinn |
| 350 g | reyktur lax |
| 1 stk. | rauðlaukur |
| 2 tsk. | sítrónupipar |
| 1⁄2 tsk. | sjávarsalt |
| 100 g | pekanhnetur |
| 3 msk. | fersk steinselja eða dill |
Skref1
- Setjið rjómaost í skál ásamt reyktum laxi. Gott er að skera laxinn gróflega niður.
- Skerið laukinn niður og blandið saman ásamt sítrónupipar og salti.
Skref2
- Maukið rjómaostinn með töfrasprota þar til allt hefur blandast vel saman.
- Osturinn gæti verið frekar mjúkur, ef ykkur finnst hann of mjúkur er gott að setja hann inn í kæli í 30 mínútur.
Skref3
- Hakkið hneturnar niður, grófsaxið ferska kryddjurt og blandið saman.
- Myndið kúlu úr ostinum og veltið henni upp úr pekanhnetunum.
- Geymið í kæli þar til osturinn er borinn fram.
Höfundur: Thelma Þorbergsdóttir